1.      «Сайдыы кэрдиистэрэ» педагогическай музей үөрүүлээх аһыллыыта буолла.

Уһуйаан сэбиэдиссийэ Елена Петровна Сивцева, нэһилиэк бочуоттаах олохтооҕо Борис Пахомович Баишев уонна нэһилиэк баһылыга Егор Афанасьевич Сивцев үөрүүлээх быһыыга-майгыга кыһыл лиэнтэни быһан музей аанын арыйдылар. Елена Петровна музей ис хоһоонун кэпсээн дьон сэҥээриитин ылла уонна күлүүһүн музей хаһаайкатыгар Ольга Алексеевна Рожинаҕа туттарда. Бу музейга өр сылга үтүө суобастаахтык үлэлээбит үлэһиттэр уонна иитээччинэн үлэлээн ааспыт Агафья Петровна Протодьяконова, иитээччи көмөлөһөөччүтүнэн үлэлээбит Клара Михайловна Трофимова тустарынан сырдатыллыбыт. Урукку кэмтэн билиҥҥигэ диэри мунньуллубут оонньуурдар, иитээччилэр туттубут маллара бааллар.