Опубликована статья родителя Дьяконовой Светланы Николаевны о введении ФГОС в ДОУ

 

Биһиги таптыыр уһуйааммыт.

«Сулусчаан»   уһуйаан.

 Чурапчы улууһа 

Уһун - Күөл  бөһүөлэгэ.

Төрөппүт Дьяконова С.Н.

3 оҕо иһирэх ийэтэ,

идэтинэн акушер – гинеколог.

Билигин уһуйааннарга үөрэхтээһин саҥа көрүҥэ ФГОС киирдэ ону эн туох дии саныыгын?

Саҥа ирдэбил киирбитин истибиппит. Төрөппүт мустуутугар билсибиппит, ырыппыппыт. Биһиги уһуйааммыт ФГОС киириитигэр бэлэмнээх курдук көрөбүн.

Уһуйаан үлэлии олорор үлэтэ билиҥҥи ирдэбилгэ сөп түбэһэр дии саныыгын дуо?

Биһиги Дьяконовтар дьиэ кэргэн 3 оҕолоохпут. Оҕолорбут үһүөн Сулусчаан уһуйаан иитиллээччилэрэ. Икки улахан уолаттарбыт уһуйаан бэлэмнэнии бөлөҕөр сылдьаллар, оттон кыра кыыспыт орто бөлөххө сылдьар. Хас утуйан турдахтарын аайы, сарсыарда уһуйааннарыгар үөрэ – көтө бараллар. Саҥа сүүрээни уһуйааммыт 2005 сылтан киллэрэн, оҕо сайдар аһаҕас иитэр - үөрэтэр эйгэтин тэрийэн үлэлии - хамсыы олорор. Оҕо бэйэтэ сөбүлээн дьарыктанар түмсүүлэрэ бааллар. Ол курдук оҕо өҥү – дьүһүнү араарар, толкуйдуур дьоҕура үрдүүр, тарбахтара сайдар, сахалыы сиэри – туому билэр, айылҕа уларыйыытын кэтээн көрөр дьарыктарынан буолаллар оҕуруонан иистэнии, коллаж, мэһийии, лего, уруһуй. Оҕолорбут эттэрэ – сииннэрэ, уҥуохтара имиллэр түмсүүлэрэ үҥкүү, физкультурнай. Тыллара – өстөрө, өйдөрө – санаалара, уустаан – ураннаан ситимнээн кэпсиир сатабыллара, ойуулуур – дьүһүннүүр дьоҕурдара үрдүүр түмсүүлэринэн буолаллар – ырыа, остуоруйа, омук тыла.  Түмсүүлэр үлэлэрин биһиги оҕолорбут наһаа сөбүлүүллэр,  умсугуйаллар. Бу түмсүүлэринэн сылдьан оҕолор бэйэлэрэ да билбэккэ элбэххэ үөрэнэллэр, уһуйуллаллар.  Билиҥҥи ирдэбилгэ сөп түбэһэр үлэлээх – хамнастаах уһуйааммытын биһиги дьиэ кэргэн олус сөбүлүүбүт уонна оҕолорбут сылдьан сайдалларыгар сөптөөх усулуобуйалаах, элбэх анал үөрэхтээх иитээччилэрдээх уһуйааммытынан киэн – туттабыт. Баҕарабыт өссө даҕаны таһаарыылаах үлэҕит тэнийэ, тарҕана турдун, үүнэр кэнчээри ыччаппытын сайыннара – чэбдигирдэ турун!

 

   Олунньу 2014 сыл.